Oor Bosbokstrand
Bosbokstrand is ʼn privaat natuurreservaat aan die Oos-Kaapse Wildekus. Hierdie idilliese reservaat word omvou in ʼn baai tussen Haga-Haga en Cintsa en is ongeveer 70 km vanaf Oos-Londen. Die laaste 15km is ‘n grondpad.
Die strand is plek-plek met rotsbanke beklee en strek etlike kilometer ver. Dit is ʼn ware hengelparadys. Verder bied ʼn strandmeer veilige swemplek vir jou en jou kroos en vir die avontuurlustiges is daar asemrowende staproetes wat deur ongerepte bosse en klowe loop. Meer as 240 voëlspesies en 12 bokspesies, wat kameelperde en sebras insluit, kom daar voor. Bosbokstrand is ʼn lieflike kusvakansie-bestemming en is die perfekte plek om te gaan afskakel, jou batterye te herlaai en te ontspan.
GERIEWE
ʼn Speelparkie
Die speelparkie is langsaan die karavaanpark geleë en bestaan uit ʼn klimraam, ʼn wipplank, swaaie en ʼn groot buitelug-skaakstel.
ʼn Tennisbaan
Toegang tot die (informele) tennisbaan is gratis. Bring eie tennisrakette en -balle saam.
ʼn Vlugbal
Die vlugbal is toegerus met ʼn net. Bring jou eie bal saam.
Biblioteek
Bosbokstrand het sy eie klein biblioteek waar vakansiegangers boeke kan uitneem. Jy kan ook boeke skenk.
ʼn Snoepie
Die snoepie verkoop slegs vuurmaakhout, lekkergoed, koeldrank en roomys. Die naaste winkel is in Haga-Haga wat ongeveer 10 km van Bosbokstrand af is.
ʼn Wassery
Daar is ʼn wassery met wasmasjiene en tuimeldroërs en dit is gerieflik geleë in die karavaanpark.
Beperkte vriesgeriewe
Daar is beperkte vriesgeriewe beskikbaar vir vakansiegangers. ‘n Spesiale sakkie is daarvoor beskikbaar by die kantoor.
Akkommodasie en Kostes
50
Kampeerplekke
15
Selfsorg-chalets
Aktiwiteite
Wild besigtiging
Meer as 12 bokspesies, wat kameelperde en sebras insluit, kom in die natuurreservaat se ongerepte bosse en klowe voor – meer inligting beskikbaar by die kantoor.
Lees
Bosbokstrand het sy eie klein biblioteek waar vakansiegangers boeke kan uitneem. Jy kan ook boeke skenk.
Stap
Vir stappers is daar asemrowende staproetes wat deur ongerepte bosse en klowe loop. Jy kan ook 8km strandlangs na Haga Haga, of 9 km na Cintsa stap.
Kerkdienste
In die Desembervakansie word kerkdienste op Sondae, asook op Kersdag gehou.
Tennis
Toegang tot die (informele) tennisbaan is gratis. Bring eie tennisrakette en -balle saam.
Vlugbal
Daar is vlugbalnet. Bring net ʼn bal saam.
Kinderprogram
Enkele aktiwiteite word van tyd tot tyd vir kinders gedurende Desember aangebied.
Kuier
Kuier is deel van vakansiehou by Bosbokstrand. Hier in ons kampterrein het baie vakansiegangers oor die jare al familie geword.
Rus
By Bosbokstrand skud ons die stad se stof af, sit terug en ontspan. Hier kry jy letterlik rus vir jou siel.
Voëlkyk
Bosbokstrand is ʼn voëlkykparadys met meer as 240 voëlspesies wat daar voorkom. Boskraaie, knysnaloeries, Mahemme, Sekretarisvoël, Bromvoël, Kroonarend, Natalse janfrederikke en ander bekende voëls van die Oos-Kaapse woude word gereeld gesien. Knysnaspegte en die gryskopspegte is gereelde kampbesoekers.
Klik hier vir ‘n voëllys wat julle kan waarneem op bosbokstrand
Hengel
Bosbokstrand is ʼn hengelparadys en as jy ernstig is oor hengel, is dit net die plek vir jou. Hier kan hengelaars hengel in sy volle verskeidenheid geniet. Talle spesies kom voor wat meer as genoeg uitdaging vir die hengelaar bied.
Baie belangrik: Maak asseblief seker dat jy jou hengelpermit het.
Groot skaakstel en dambord
Die speelparkie het ‘n groot buitelug-skaakstel en dambord.