As jy moeg is vir ʼn besige, gejaagde lewe is hierdie asemrowende strand met sy rotse wat hom toevou, groot skulpe en pragtige sonsondergange die ideale plek vir jou.
Vir die afgelope paar dekades was dit die doel van hierdie natuurreservaat om die ongerepte natuurerfenis wat onder sy beheer val, te beskerm en te bewaar en om ʼn ontspanningstuiste vir lede van die Afrikaanse taal- en kultuurgemeenskap te bied. Dit is die Solidariteit Beweging se voorneme en hy verbind hom daartoe om hierdie doel te laat voortleef en om dit verder uit te bou.