Tariewe

1. Desember-seisoen se besprekings 2025 (1 Desember 2025 – 10 Januarie 2026) 

• Kampterreinbesprekings vir 18 nagte en langer open op 01 Januarie 2025.

• Kampterreinbesprekings vir 17 nagte en korter open op 1 Maart 2025. 

• Chalet-besprekings vir 14 nagte en langer open op 01 Januarie 2025.

• Chalet-besprekings vir 13 nagte en korter open op 1 Maart 2025. 

1.1 Besprekingsfooi: 

• ’n Besprekingsfooi van R3 000 vir kampering en R5 000 per chalet ter bevestiging van die Desember-seisoen se bespreking is dadelik betaalbaar om die bespreking te bevestig. Die besprekingsfooi is glad nie terugbetaalbaar nie maar word afgetrek van die totale koste. 

1.2 Deposito: 

• 50%-deposito van die totale koste is betaalbaar een maand nadat bevestiging van die bespreking gestuur is. 

• Die bespreking word verbeur indien die deposito nie betyds betaal word nie. 

1.3 Balans van koste: 

• Vir die Desember-seisoen se besprekings is die uitstaande balans betaalbaar teen 1 September op die laatste. Geen verandering op jou bespreking sal ná 1 September toegelaat word nie. Indien jy jou vakansie wil verleng en daar is plek beskikbaar, moet die addisionele dae onmiddellik betaal word wanneer die versoek toegestaan word. 

1.4 Kansellasie: 

• Indien ‘n Desember-seisoen se bespreking voor 1 September gekanselleer word, sal die deposito terugbetaal word, maar die besprekingsfooi word verbeur. 

• Indien ’n Desember-seisoen se bespreking ná 1 September gekanselleer word, word die totale besprekings bedrag verbeur. 

 2.   Besprekings vir die res van die jaar 2025: 

2.1 Besprekingsfooi: 

• ’n Besprekingsfooi van R500 vir kampering en R1 000 per chalet ter bevestiging van die bespreking is dadelik betaalbaar. Die besprekingsfooi is glad nie terugbetaalbaar nie. 

2.2 Deposito: 

• 50% van die totale koste is ’n maand voor die aankomsdatum betaalbaar. 

• Die bespreking word verbeur indien die deposito nie betyds betaal word nie. 

2.3 Balans van koste: 

• Die balans is per EFT of kontant betaalbaar voor of met aankoms op Bosbokstrand. Geen kaartfasiliteit is beskikbaar nie. 

2.4 Kansellasie: 

• Indien die bespreking ’n maand voor aankoms gekanselleer word, sal die deposito terugbetaal word, maar die besprekingsfooi word verbeur. 

• Indien ’n bespreking binne ʼn maand voor die aankomsdatum gekanselleer word, word die deposito verbeur. 

 2.5 Spesiale aanbod vir langtermynbesprekings buiten Desember-seisoen 

• Vir elke 10 agtereenvolgende nagte bespreek, kwalifiseer jy vir ‘n addisionele nag gratis.