Bosbokstrand | Privaat natuurreservaat aan die Oos-Kaapse Wildekus

Oor Bosbokstrand

Bosbokstrand is ŉ privaat natuurreservaat aan die Oos-Kaapse Wildekus. Hierdie idilliese reservaat word omvou in ŉ baai tussen Haga-Haga en Cintsa en is ongeveer 70 km vanaf Oos-Londen. Die laaste 15km is ‘n grondpad.

Die strand is plek-plek met rotsbanke beklee en strek etlike kilometer ver. Dit is ŉ ware hengelparadys. Verder bied ŉ strandmeer veilige swemplek vir jou en jou kroos en vir die avontuurlustiges is daar asemrowende staproetes wat deur ongerepte bosse en klowe loop. Meer as 240 voëlspesies en 12 bokspesies, wat kameelperde en sebras insluit, kom daar voor. Bosbokstrand is ŉ lieflike kusvakansie-bestemming en is die perfekte plek om te gaan afskakel, jou batterye te herlaai en te ontspan.

GERIEWE

ŉ Speelparkie

Die speelparkie is langsaan die karavaanpark geleë en bestaan uit ŉ klimraam, ŉ wipplank, swaaie en ŉ groot buitelug-skaakstel.

ŉ Tennisbaan

Toegang tot die tennisbaan is gratis. Bring eie tennisrakette en -balle saam.

ŉ Vlugbalbaan

Die vlugbalbaan is toegerus met ŉ net. Bring jou eie bal saam.

Biblioteek

Bosbokstrand het sy eie klein biblioteek waar vakansiegangers boeke kan uitneem. Jy kan ook boeke skenk en ons help om ons aanbod uit te brei.

ŉ Snoepie

Die snoepie verkoop slegs lekkergoed, koeldrank en roomys. Die naaste winkel is in Haga-Haga wat ongeveer 10 km van Bosbokstrand af is.

ŉ Wassery

Daar is ŉ wassery met wasmasjiene en tuimeldroërs en dit is gerieflik geleë in die karavaanpark. Die masjiene gebruik R5-muntstukke en kleingeld is by die kantoor beskikbaar.

Beperkte vriesgeriewe

Daar is beperkte vriesgeriewe beskikbaar vir vakansiegangers. ‘n Spesiale sakkie is daarvoor beskikbaar by die kantoor.

Akkommodasie en Kostes

CHALET (Tipe A)

Chalet A bestaan uit twee slaapkamers, ŉ dubbel slaapbank in die sit-/eetkamer en lugversorger, ‘n goed toegeruste kombuis en een badkamer met ‘n stortbad. Daar is ‘n onderdak stoep en ‘n geboude braaiplek op die grasperk. ‘n Maksimum van 6 persone word toegelaat.

Besonderhede

Gaste: 6
Amenities: BraaierKombuisLugversorgingStortbad

Pryse begin by: R800 per nag

Sien besonderhede

CHALET (Tipe B)

Chalet B bestaan uit twee slaapkamers, ŉ dubbel slaapbank in die sit-/eetkamer en ‘n waaier, ‘n goed toegeruste kombuis en een badkamer met ‘n bad of ‘n inloopstort. Daar is ‘n onderdak stoep en ‘n geboude braaiplek op die grasperk. ‘n Maksimum van 6 persone word toegelaat. Gesluit gedurende Augustus. Twee slaapkamers Huisves ŉ maksimum […]

Besonderhede

Gaste: 6
Amenities: BadBraaierKombuisWaaier

Pryse begin by: R700 per nag

Sien besonderhede

KAMP

Lieflike ruim gras- en skadukampplekke in ‘n rustige kampterrein met ŉ gesinsfokus. Elke staanplek het ‘n kragpunt en daar is waterpunte beskikbaar. ‘n Groot en skoon ablusieblok met ‘n wassery. Geen braaiers word voorsien nie. ŉ Maksimum van ses persone word per staanplek toegelaat. Die laaste 15km tot by die Natuurreservaat is grondpad.. Slegs beskikbaar […]